22 MEI 2019 Buat Warge Jakarte

Jakarte (WartaBetawi) - Gue cumang pengen ingetin lo pade, cari inpo nyang bener, jangan kemakan hoax, jangan ikut-ikutan brutal.

Elo inget kagak, waktu pilkada gubernur, pade sok-sokan belain agame, padalah agame kagak boleh dibawa ke ranah politik. Eh hasilnya sekarang banjir lebih parah, trus gimane?

Mangkanye, kite ini hidup di negare nyang ragamnye banyak banget ato Bhineka Tunggal Ika, dan kite bukan Negare Islam. Kite nih Negara nyang berdasarkan Pancasila dan UUD'45, udeh dah jangan sok-sokan masukin paham laen.

Leluhur kite udah wanti-wanti, kite harus rukun, kalau mau gemah ripah loh jinawi.

Kite sebagai warge nyang hidup di negare hukum, kudunye semue nyang dikedepanin dengan bahase hukum, bukannye mau gruduk-grudukan.

Kalo ente hidup 30 tahun di mase Soeharto, emangnye 98 dah kudu digruduk, karene jaman ntuh, kagak ada hukum nyang independen.

Nah kalau sekarang, besannye presiden aje ditangkep, gare-gare masale di BI. Artinye setelah 98, pare pemimpin dah sadar, harus mulai jalanin Hukum nyang Independen kaya sekarang nih.

Pesen gue, nanti tanggal 22 Mei 2019, kite dengerin dan ikutin pengumumannye KPU, karene cumang die lembage nyang syah ngurusin Pemilu di Indonesia.  (dari redaksi

Foto  : Istimewa